Halmashauri inakadiriwa kuwa na mitumbwi ya kasia 797, mitumbwi inayotumia mashine 352 na wavuvi 3,799. Shughuli za uvuvi zinaendelea kufanyika ikiwa ni pamoja na kuwaelimisha wavuvi juu ya umuhimu wa kutunza rasilimali za uvuvi na kuwa endelevu kwa kizazi cha leo na kijacho kwa manufaa ya Taifa kwa ujumla. Pia shughuli za ufugaji wa samaki kwa njia ya vizimba unaendelea katika Halmashauri ya Sengerema ambapo jumla ya vikundi 5 na Watu binafsi 2 wamenufaika na mikopo ya Benki ya Kilimo.
