Idara ya Maendeleo ya Jamii ni Miongoni mwa Idara 13 zilizopo katika Halmashauri ya Wilaya ya Sengerema. Idara ina Jumla ya Vitengo 06 ambavyo ni:- Wanawake, Jinsia na Watoto, Kitengo cha Maendeleo ya Vijana, Kitengo cha UKIMWI, Kitengo cha Ustawi wa Jamii, Kitengo cha Utafiti, Takwimu na Mipango na Kitengo cha Mfuko wa Maendeleo ya Jamii (TASAF).
Majukumu ya Vitengo hivyo ni kama ifuatavyo:-
Kitengo cha Wanawake, Jinsia na Watoto:-
Kuratibu na kusimamia Maendeleo ya Jinsia na Uingizaji wa masuala ya Jinsia katika Sera za Sekta mbalimbali.
Kuwawezesha Wanawake kiuchumi kwa kuwapatia Mikopo yenye masharti nafuu na Mafunzo ya Ujasiriamali.
Kuwezesha watoto kupata haki zao za msingi kwa mujibu wa katiba wa nchi.
Kitengo cha Vijana:-
Kuhamasisha Jamii hasusani kundi la Vijana kuondokana na matumizi ya Madawa ya Kulevya.
Kuhamasisha Vijana kuwa na shughuli endelevu hasa za kujiajiri kwa ustawi kwa maisha yao.
Kuwawezesha Vijana kiuchumi kwa kuwapatia Mikopo yenye masharti nafuu na Mafunzo ya Ujasiriamali.
Kitengo cha UKIMWI:-
Kuratibu shughuli zote za kudhibiti UKIMWI katika Halmashauri kwa kushirikiana na wadau mbalimbali kama vile Mashirika yasiyokuwa ya Kiserikali (NGOs), Vikundi vya Kijamii (CBOs) na Mashirika ya Kidini (FBOs) zinazojishughulisha na mapambano dhidi ya UKIMWI.
Kitengo cha Ustawi wa Jamii:-
Kutoa huduma na kusimamia shughuli za Ustawi wa Familia na Watoto
Kuratibu na kusimamia mienendo ya Kesi/Mashauri mahakamani kwa watoto na watu wazima.
Kutoa huduma kwa makundi maalumu yaliyopo katika Jamii.
Kitengo cha Utafiti, Takwimu na Mipango:-
Kubaini matatizo yanayokwamisha Maendeleo ya Jamii na kubuni njia sahihi za kukabiliana na matatizo hayo.
Kuandaa na kutunza Takwimu mbalimbali zinazohusiana na makundi mbalimbali yaliyopo katika Jamii.
Kuandaa Mipango ya Utekelezaji wa Shughuli za Idara
Kuandaa taarifa za utekelezaji wa shughuli za Idara na kuziwasilisha katika mamlaka husika.
Kitengo cha TASAF:-
Kuwawezesha wananchi kiuchumi, hasa watu masikini na waishio katika mazingira magumu kuongeza kipato chao na hivyo kuondokana na hali duni ya maisha.
Majukumu ya Idara ya Maendeleo ya Jamii kwa ujumla:-
Kushirikisha Jamii katika kubuni na kupanga miradi ya maendeleo
Kuhamasisha Jamii kuondokana na mila potofu zinazorudisha nyuma maendeleo ya Jamii kama vile mauaji ya Vikongwe, mauaji ya watu wenye Albinism, Ukeketaji wa Wanawake nk.
Kuhamasisha Uanzishaji na Usajili wa Vikundi vya Kiuchumi na Ujasiriamali
Kuhamasisha Jamii kushiriki kikamilifu katika utekelezaji wa Sera, Programu na Mipango ya Sekta zote zinazohusika na Maendeleo ya Jamii kwa ujumla
Kueneza elimu ya uraia mwema
Kufanya uhakiki na ufuatiliaji kwa Vikundi vya Kiuchumi na Ujasiriamali
Kuhamasisha mapambano dhidi ya ugonjwa wa Ukimwi
Kuhamasisha Wananchi kuwa na moyo wa kushiriki ipasavyo katika shughuli za Maendeleo kwa njia ya kujitolea.
Kuhamasisha Jamii hasa kundi la Vijana kuondokana na matumizi ya Madawa ya Kulevya.
Kuhamaisha Jamii kuwa na desturi ya kujiwekea akiba badala ya kutumia kipato chote ili kujiletea maendeleo na hivyo kuondokana na umasikini.
Kuwajengea uwezo wananchi kwa kuwapatia mafunzo, Ujuzi na Stadi mbalimbali za kazi.
Kuhamasisha wananchi kuwa na shughuli endelevu hasa za kujiajiri kwa ustawi kwa maisha yao.
Kuratibu na kusimamia Maadhimisho ya Siku za Kitaifa.
Kusikiliza na kutatua mashauri mbalimbali kama vile:-Mashauri ya ndoa, Ardhi nk.
Kuhamasisha uhifadhi na utunzaji wa Mazingira kama vile Upandaji wa Miti nk.
Kubaini Matatizo mbalimbali yanayokwamisha jitihada za kuleta maendeleo na kuyawekea Mikakati ya namna ya kuyakabili.
Kuwezesha Jamii kubadili mtazamo na fikra zisizo sahihi katika mgawanyo wa kazi, Majukumu na Rasilimali kwa kuwapa Wanawake furrsa ya kumiliki ardhi na mali zote ambazo wana haki nazo.
Kuhakikisha wananchi wanatumia Rasilimali walizonazo kwa usahihi kwa ajili ya shughuli za uzalishaji mali kama vile Kilimo, Ufugaji, Uvuvi nk.
Kuwezesha Jamii kuweka utaratibu mzuri wa kuhudumia Makundi maalumu yaliyopo katika Jamii kama vile Yatima, Wazee, Watu wenye Ulemavu, Watoto Waishio katika Mazingira Hatarishi nk.
Kuratibu na kusimamia Maendeleo ya Jinsia na Uingizaji wa masuala ya Jinsia katika Sera za Sekta mbalimbali.
