Zaidi ya Wajasiliamali 500 watengewa eneo rasmi la kufanyia biashara zao

Posted on: August 10th, 2018

Mkurugenzi Mtendaji wa Halmashauri ya Sengerema Bw. Magesa Mafuru Boniface amefanya uamuzi huo baada kuwepo na mazingira hatarishi waliyokuwa wakifanya biashanra zao katika soko la Nyatukala kwani walikuwa ndani ya hifadhi ya barabara iendayo mikoa jirani jambo ambalo ni hatari kwao binafsi na mali zao, ikiwa ni utekelezaji wa maaagizo ya Mhe. Rais wa Jamhuri ya Muungano wa Tanzania Dkt. John Pombe Magufuli alipokuwa akiwaapisha wakuu wa wilaya mapema mwezi Agosti mwaka huu katika ukumbi wa Ikulu mjini Dar es Salaam. katika kuhakikisha wafanyabiashara ndogondogo wanatengewa maeneo rasmi kwa ajili ya kufanyia biashara zao.

Akishiriki zoezi hilo la ugawaji wa maeneo rasmi kwa wajasiliamali katika eneo la Kisima cha Chumvi, Bw. Magesa amesisitiza kwa kusema, “ndugu zangu wajasiliamali kuweni kitu kimoja, na hakika mkiwa na umoja ni dhahili hao wateja wenu ambao leo mnasema hawawezi kuja mimi nawahakikishia kuwa watawatafuteni ninyi jambo la msingi ni kuamua kwamba kuanzia sasa sote tuwe eneo moja”

Mmoja wa wajasiliamali hao Bi. Neema Alex ameipongeza Serikali kwa jitihada zake zinazofanya kupitia viongozi wake mbalimbali kwa wamekuwa msitali wa mbele katika kuhakikisha wanatatua kero mbali mbali za wananchi.