Wasimamizi waaswa kutojihusisha na vitendo vya udanganyifu katika Mtihani wa Darasa la Saba

Posted on: September 5th, 2018

Jumla ya watahiniwa Elfu nane mia nne  arobaini  na   watatu    (8,443)  watarajia  kufanya  Mtihani  wa kuhitimu  elimu   ya Msingi  katika  Halmashauri  ya  Wilaya ya Sengerema Mkoani Mwanza .

Hayo yamebainishwa na Afisa Elimu Msingi wa Hamashauri  Mwl.Oscar Kapinga wakati akizungumzia maandalizi ya mtihani huo unaotaraji kuanza kufanyika kesho nchini.

Bw. Kapinga amesema kuwa  kati ya watahiniwa hao wavulana ni 4,049 na wasichana ni 4,394 hata hivyo amesema mpaka sasa vifaa vyote pamoja na mazingira ya mtihani huo yamekwishamilika.

Aidha Bw. Kapinga amewataka wasimamizi kutojihusisha na vitendo vya udanganyifu katika mtihani pamoja na wazazi kutowarubuni watoto wao kufanya mtihani huo vibaya kwa makusudi ili washindwe kuendelea na elimu ya sekondari hapo badae.