Wananchi waishio visiwani waaswa kuzingatia kanuni na taratibu za ujenzi katika maeneo yao

Posted on: May 18th, 2017

Mhe. Mkuu wa wilaya ya Sengerema Mwl. Emanuel Kipole amewataka wananchi waishio katika visiwa kuzingatia kanuni, taratibu na matakwa ya ujenzi ili kujiweka katika mazingira mazuri ya kupambana na magonjwa ya mlipuko. ameyasema hayo alipokuwa amefanya ziara katika kisiwa cha zilagula katika Halmashauri ya Buchosa baada ya kujionea wananchi wa  maeneo hayo kuwa katika hatari ya kukumbwa na magonjwa ya mlipuko kutokana na vyoo vilivyo jengwa ufukweni mwa ziwa Victoria kutililisha maji taka katika ziwa hilo. Huku akimwagiza bwana afya wa halmashauri hiyo kuhakaikisha anatafuta suruhisho la nyumba zilizojengwa katika maeneo hayo.