WANAFUNZI 8,551 WAFANYA MITIHANI YA KUHITIMU ELIMU YA MSINGI KATIKA HALMASHAURI YA SENGEREMA

Posted on: September 6th, 2017

Jumla ya watahiniwa elfu nane mia tano hamsini na moja. (8,551) wanatarajiwa kufanya mtihani wa kuhitimu elimu ya msingi wilayani Sengerema  mkoani  Mwanza.  Afisa Elimu wa shule za  Msingi  wilayani  Sengerema Bwn. Oscar Kapinga  amebainisha kuwa kati ya watahiniwa hao wavulana  ni  elfu nne mia moja thelathini  na nane (4,138) na wasichana ni elfu nne mia nne kumi na tatu (4,413)

Akizungumzia  suala la usimamizi wa mitihani hiyo Kapinga amesema kuwa wamejipanga vizuri kuhakikisha suala la udanganyifu wa kuiba mitihani halitokei huku akiwatahadharisha wasimamizi na wanafunzi  watakaofanya  udanganyifu  wa kuiba mitihani hiyo  hatua kali za kisheria zitachukuliwa dhidi yao.

Hata hivyo Afisa Elimu amewataka wazazi na walezi kutowashinikiza watoto wao kufanya vibaya mtihani hiyo kwa lengo la kushindwa kuendelea na masomo yao ya sekondari hapo baadae ili wawasaidie kazi za nyumbani pamoja na kuolewa ili  wapate mali.

Mitihani ya kuhitimu Elimu ya Msingi imeanza kufanyika kuanzia leo tarehe 06/09/2017 na 07/09/2017