Mkurugenzi mkuu wa Bank ya Posta akabidhi mifuko 100 ya saruji katika Halmashauri ya Sengerema

Posted on: December 29th, 2018

Benki ya Posta Tanzania imetoa msaada wa mifuko mia moja ikiwa ni katika kuunga jitihada za Mhe. Rais wa Jamhuli ya Muungano wa Tanzania Dkt. John Pombe Magufuli katika kuhakikisha watoto wote wenye umri wa kwenda shule wanapata elimu. 

Akitoa msaada huo Mkurugenzi Mkuu Bw. Sabasaba Mshingi kwa ajili ya maboresho ya shule ya Msingi Busisi amewashukuru wananchi waishio katika mji wa Sengerema kwa namna ambavyo wamekuwa wateja wazuri ndani ya Benki yao na hivyo kupelekea sasa huduma za kifedha zilizokuwa zinatolewa katika tawi dogo mjini Sengerema kuboreshwa zaidi ili kufikia hadhi ya tawi kamili na huduma kuboreka zaidi ndani na pembezoni mwa mji wa Sengerema 

Aidha Mkurugenzi Mtendaji wa Halmashauri Bw. Magesa Mafuru Boniface akitoa shukrani kwa niaba ya wananchi amewashukuru timu nzima ya uongozi wa Benki ya Posta na kuwaomba wasitie shaka wala kuchoka kwani msaada mliotupatia leo utakwenda kufanya kazi kama ulivyokusudiwa.