Miradi ya Mwenge wa Uhuru 2018 yawa kivutio katika Halmashauri ya Sengerema

Posted on: August 29th, 2018

Mwenge wa Uhuru katika mkoa wa Mwanza ulipokelewa tarehe 26/08/2018 wilayani Kwimba ukitokea mkoani Simiyu, na katika Halmashauri ya Sengerema ulipokelewa tarehe 29/08/2018 ukitokea wilayani Misungwi ambapo Mhe. Sweda Juma Mkuu wa wilaya hiyo alimkabidhi Mwenge wa Uhuru kitaifa 2018 kwa Mkuu wa wilaya ya Sengerema Mhe. Emmanuel Kipole tayari kwa kukimbizwa katika Halmashauri za Sengerema na Buchosa

Hayo yamejidhihilisha mara tu baada ya uzinduzi wa mradi wa Kituo cha Afya Kagunga ambapo Kiongozi wa Mbio za Mwenge kitaifa ameupongeza uongozi wa Halmashauri ya Sengerema kwa namna ambavyo umefanya kazi nzuri hasa katika usimamizi wa fedha za serikali ikiwa ni pamoja na utekelezaji wa miradi yake kwa ubora na viwango vinavyotakiwa.  

Aidha miradi mingine iliyofunguliwa ni kisima kilefu cha maji chenye kingio la maji kwa ajili ya kunyweshea mifugo katika kijiji cha Nyamasale, vyumba vitatu vya madarasa matatu katika shule ya Msingi Nkumba Buyagu, Ghala la Nafaka pamoja na mashine kwa ajili ya kuongeza thamani ya nafaka pamoja na mradi wa barabara ya lami inayokwenda ofisi ya Mkurugenzi Mtendaji wa Halmashauri ya Sengerema yenye jumla ya thamani ya kiasi cha shiling bilioni moja