Mhe. Waziri Mkuu akitazama baadhi ya bidhaa zilizokwisha kuongezewa thamani katika kiwanda (Dotto Posh Mills) katika Halmashauri ya Sengerema mda mfupi baada ya kukizindua

Posted on: February 15th, 2018

Akiwa katika kiwanda hicho mara baada ya uzinduzi Mhe. Waziri Mkuu Kassim Majaliwa amemshukuru mmiliki wa kiwanda hicho kwa kuonyesha dhahiri kuunga jitihada za Mhe. Rais wa Jamhuri ya Muungano wa Tanzania Dkt. John Pombe Magufuli katika kuhakikisha Tanzania inakuwa katika uchumi wa viwanda. Huku akiwataka wananchi wa Sengerema na watanzania wote kuunga jitihada alizofanya mtanzania mwenzao kwa kununua bidhaa zinazopatikana au kutoka katika kiwanda hicho. 

Pia amewataka wananchi kuwa walinzi na wasimamizi wazuri wa rasilimali za Taifa hasa zinazotolewa na Serikali kama vile madawa, ikiwa ni pamoja na kuwataka Madaktari wote wakuu katika Halmashauri zote kuhakikisha wanasimamia upatikanaji wa dawa mda wote katika hospital zao kwani Serikali inatoa fedha nyingi katika kuhakikisha watanzania wote wanapata huduma bora. 

Mwisho amewataka watumishi katika halmashauri zote mbili za Buchosa na Sengerema kufanya kazi kwa weledi mkubwa ili kuleta tija kwa wananchi wote wa Sengerema.