Kampuni ya Sotta Mining yakabidhi vyumba vitatu vya Madarasa katika Shule ya Sekondari Ngoma

Posted on: February 17th, 2022

Makabidhiano hayo yamefanyika katika Shule ya Sekondari Ngoma ambapo Bi. Veronica Kessy ambaye ni Mkuu wa wilaya ya Misungwi amepokea Madarasa matatu kutoka Kampuni ya Sotta Minning inayojishughulisha na shughuli za uchimbaji wa madini katika kijiji cha Sota kwa niaba ya Mkuu wa Mkoa Eng. Robert Gabriel ambaye alikuwa na majukumu mengine ya kiofisi.

Akikabidhi madarasa hayo Mkurugenzi Mkuu Bw. Mathew Yates ameishukuru Serikali kwa mashirikiano mazuri yaliyopo, hivyo amehaidi kudumisha ushirikiano huo kwani umewezesha jamii inayozunguka kampuni kufanya kazi kwa amani pasipo migogoro jambo ambalo limeleta tija kwa pande zote .

Madarasa hayo yamegharimu kiasi cha shilingi Milion 27.4, kukamilika kwake kunakwenda kuondoa tatizo la upungufu wa vyumba vya madarasa katika shule hiyo hata hivyo lengo la ujenzi wa madarasa hayo ni maandalizi ya mapokezi wa wanafunzi wa kidato cha 5