Kaimu Mkurugenzi Ndg. Oscar Kapinga, akizungmza na wadau wa Elimu katika kikao kilichofanyika katika ukumbi wa Sengerema Sekondari

Posted on: April 1st, 2017

Baadhi ya wazazi na walezi kutokuwa na uelewa juu ya dhana halisi ya Elimu Bure, hali hiyo imesababisha kushuka kwa ufaulu wa mitihani ya sekondari na shule za msingi kwa mwaka 2016 kwa asilimia 6 wilayani Sengerema.

Akizungumza kwa niaba ya Mkurugenzi Mtendaji wa Halmashauri ya wilaya ya Sengerema Ndg. Magesa Mafuru Boniphace, Oscar Kapinga kwenye hafla iliyofanyika katika ukumbi wa shule ya sekondari Sengerema   amewaomba   wazazi  waondokane na  mtazamo   kuwa elimu bure  ndiyo mwanya   mkubwa wa   wazazi    kutowanunulia  mahitaji muhimu ya shule watoto wao   kwani jambo hilo  linapelekea    watoto  wengi    kutohudhuliwa masomo ipasavyo na  kudidimia ufaulu kwa wanafunzi.

Kikao   hicho chenye  lengo   la kujadili  namna ya kuongeza  ufaulu kwa  wanafunzi wa shule za  msingi na sekondari Wilayani  Sengerema,      kimehudhuliwa  na  wadau  wa  elimu, maafisa elimu wa shule zote na wakuu wa shule za msingi na sekondari.

Katika hatua nyingine Kapinga amesema kutokana na hali ya ufaulu kwa mwaka 2016 kushuka kwa asilimia 6 , kikao  hicho   ana imani    kitasaidia   kuongeza     ufaulu  wa wanafunzi    kwa kiwango kikubwa  kutokanana   na   changamoto mbalimbali zilizokuwa  zikikwamisha    ufaulu  kwa  wanafunzi kujadiliwa.