Halmashauri ya wilaya ya Sengerema yapokea zaidi ya nakala 65 Elfu za Vitabu toka Serikalini

Posted on: May 11th, 2018

Halmashauri ya Sengerema mkoani Mwanza imefanikiwa kutatua tatizo la vitabu kwa darasa la kwanza hadi la tatu kwa kutoa vitabu kwa uwiano unaotakiwa kwa mjibu wa serikali. Hayo yamebainishwa na Mkuu wa Wilaya ya Sengerema Mhe. Mwl. Emmanuel Kipole ambaye alikuwa mgeni rasmi akimwakilisha Mkuu wa Mkoa wa Mwanza John Mongera katika hafra fupi ya uzinduzi wa utoaji vitabu shule za msingi ,uliofanyika katika shule ya msingi Pambalu wilayani hapa.

Mh.Kipole amebainisha kuwa, kupatikana  kwa   vitabu hivyo watakuwa wamefanikiwa kufikia lengo kwa darasa la kwanza hadi la tata ambapo kila mwanafunzi atakuwa na kitabu chake. Aidha, Mhe. Kipole amesema jumla ya vitabu elfu  sitini  na  tano  mia  tano  thelathini  na  mbili( 65,532) vya darasa la kwanza hadi la tatu vyenye thamani ya shilingi Millioni miatatu na tisini na tatu mia  moja tisini na  mbili  vimetolewa na serikali.

Nae Afisa elimu shule ya msingi Wilayani Sengerema Bw.  Osca Kapinga akisoma taarifa fupi mbele ya mgeni rasmi  amesema kuwa halmashauri ya wilaya ya sengererma ina jumla ya shule 98 za serikali zitanufaika  na  vitabu  hivyo.

Hata hivyo serikali imekusudia kutatua tatizo la upungufu wa vitabu katika shule za msingi ili kutimiza ahadi yake ya elimu bila malipo na kuongeza ufauru kwa wanafunzi.